Hər hansı bir şəhərdə ilk dəfə olarkən təbii ki, hamı qısa müddətə çox şey görmək istəyir. Bəs çox güc sərf etmədən, vaxt itkisinə yol vermədən bir görməli yerdən digərinə necə getmək olar?
Bloqa abunə qaydaları
Bloqda dərc edilən yazıları birbaşa elektron poçtunuza almaq istəyirsinizsə, sağ yuxarı küncdə “Follow by Email” yerində elektron poçtunuzu daxil edin. Sonra təsdiq üçün məktub alacaqsınız. Bu məktubda linkə basmalısınız. Nəzərə alın ki, bəzi hallarda təsdiq üçün məktub poçtun spam bölməsinə düşür. Təsdiq üçün məktubu almamısınızsa, spamı yoxlayın.
Bloqda dərc edilən yazıları birbaşa elektron poçtunuza almaq istəyirsinizsə, sağ yuxarı küncdə “Follow by Email” yerində elektron poçtunuzu daxil edin. Sonra təsdiq üçün məktub alacaqsınız. Bu məktubda linkə basmalısınız. Nəzərə alın ki, bəzi hallarda təsdiq üçün məktub poçtun spam bölməsinə düşür. Təsdiq üçün məktubu almamısınızsa, spamı yoxlayın.
Təcrübəli
turistlər bilirlər, yeni başlayanlara isə öz təcrübəmin əsasında deyə bilərəm
ki, bunun üçün bir çox şəhərlərdə işləyən və ümumi adı “Hop on-Hop off” olan
ekskursiya avtobusundan yaxşı vasitə ola bilməz. Bu avtobuslar turistlər üçün əvəzolunmaz
gidə çevriliblər.
Avtobusların
iş prinsipi çox sadədir – siz bilet alırsız və gün ərzində məhdudiyyətsiz sayda
həmin avtobusa minib-düşə bilərsiniz. Avtobusun dayanacaqları şəhərin ən görməli
yerlərində olur. Siz hər bir dayanacaqda düşüb, gəzə bilərsiniz, sonra isə növbəti
avtobusa minə bilərsiniz. Adətən turistik avrobuslar 15-20 dəqiqədən bir gəlirlər.
Siz hansı dayanacaqda düşməyi seçməkdə azadsınız. Hər dəfə avtobusa minərkən
sürücüyə biletinizi göstərməlisiniz.
Avtobusda
hər bir oturacaq audio-gidlə təmin edilib. Burada dünyanın 8-10 dilinə tərcümə
var. Avrobusa minərkən sürücü sizə
qulaqcıq verir və siz özünüzə rahat olan dili seçib, şəhərin həmin an
keçdiyiniz yeri haqqında məlumat ala bilərsiz.
Adətən
bu avtobusların qiyməti 20-25 avro olur. Siz bir və ya bir neçə günlük bilet
ala bilərsiniz. Bir neçə günlük biletin qiyməti azacıq baha olur. Biletləri
avtobusun dayanacağında şirkətin nümayəndələrindən və ya internet vasitəsilə
almaq olur. Bir çox otellərdə həmin avtobusa azacıq endirim hüququ verən
bukletlər də olur.
Böyük şəhərlərdə
“Hop on-Hop off”ların bir neçə xətti fəaliyyət göstərir. Onlar biri-birilərindən
rənglərinə görə fərqlənirlər – qırmızı, sarı, yaşıl. Təcrübə göstərir ki,
marşrutuna görə zəngin xətt Qırmızı olur. Ortasından çay keçən şəhərlərdə isə həmin
avtobusa aldığınız biletlə gəzinti qayığına da minə bilərsiniz. Məsəl üçün,
Budapeştdə “Hop on-Hop off” bileti ilə qayıqla Dunay çayında gəzintiyə çıxa bilərsiniz.
Berlində
qırmızı xəttə aldığınız biletlə şəhərin şərq tərəfinə gəzintiyə aparan xüsusi
avtobusa da əlavə olaraq minmək olar. Bundan başqa daha bir əlavə kimi yaz-yay
mövsümündə Postdam istiqamətində də getmək olar.
“Hop
on-hop off” avtobusları sizə gücünüzü qənaət etməyə və şəhərin əsas görməli
yerlərinə getməyə yardımçı olur. Ən əsası odur ki, belə bir avtobusdan istifadə
edərkən, şəhərin ən görməli yerləri və ora necə getmək lazım olması barədə kimdənsə
soruşmağa ehtiyac qalmır.
Комментариев нет:
Отправить комментарий